هاووڵاتیانی هەولێر هاوینی ئەمساڵ لە پڕۆژەی فریاگوزاریی خێرای ئاو سوودمەند دەبن

ئاڤا نیوز

 

پڕۆژە گرنگ و ستراتیژییەکەی سەرۆکوەزیران مەسرور بارزانی، هاوینی ئەمساڵ هاووڵاتیانی هەولێر لە کەمئاوی ڕزگار دەکات. 

وێنە گەورەکە: ساڵانی ڕابردوو لەگەڵ دەستپێکی وەرزی هاوین، بەشێک لە گەڕەکەکانی هەولێر تووشی گرفتی کەمئاوی دەبوونەوە بەهۆی زۆری خواست لەسەر بەکارهێنانی ئاو، بەڵام هاوینی ئەمساڵ ئەو گرفتەیان بۆ چارەسەر دەکرێت. 

زانیاریی زیاتر: ئێستا 75٪ی پڕۆژەکە تەواو بووە و هاوینی ئەمساڵ زیاتر لە 64 گەڕەکی هەولێر لە کۆی 127 گەڕەک سوودمەند دەبن لە پڕۆژەکە و 24 کاتژمێر کاری تێدا دەکرێت بۆ ئەوەی لە نزیکترین کاتدا پڕۆژەکە بە یەکجاری تەواو بکرێت، بە تەواوکردنیشی زیاتر لە 248 هەزار ماڵ سوومەند دەبن. 

ئەوەی پێویستە بیزانیت: بە تەواوبوونی پڕۆژەکە کاریگەریی بەرچاوی دەبێت لە دوورخستنەوەی مەترسی بەبیابانبوونی و وشکەساڵی لەسەر هەولێر، تێچووی پڕۆژەکە  480 ملیۆن دینارە و لەلایەن هێمن گرووپەوە جێبەجێ دەکرێت.