سوودانی و وەزیری وزەی تورکیا پرسی هەناردەکرنەوەی نەوتی کوردستان تاوتوێ دەکەن
- عێراق
- 9 کاتژمێر لەمەوپێش

کۆبوونەوەی نێوان سەرۆکوەزیرانی عێراق و وەزیری وزە و سەرچاوە سروشتییەکانی تورکیا
ئاڤا نیوز
سەرۆکوەزیرانی عێراق و وەزیری وزە و سەرچاوە سروشتییەکانی تورکیا پرسی هەناردەکرنەوەی نەوتی هەرێمی کوردستان و چەند پرسێکی دیکە پەیوەست بە کەرتی وزە تاوتوێ دەکەن.
چیرۆکی سەرەکی: محەممەد شیاع سوودانی، سەرۆکوەزیرانی عێراق لە بەغدا پێشوازیی لە ئالپئارسلان بایراکتار، وەزیری وزە و سەرچاوە سروشتییەکانی تورکیا کرد.
ڕاگەیێنراوی فەرمی: بەگوێرەی ڕاگەیێنراوی نووسینگەی سەرۆکوەزیرانی عێراق لە کۆبوونەوەکە سوودانی پەرۆشیی حکومەتی دووپاتکردەوە بۆ بەرزکردنەوەی هاریکاری هاوبەش لەگەڵ کۆمپانیا تورکییەکان لە کەرتە جیاجیاکاندا، جگە لە هاریکاری لە کەرتی وزە، کە حکومەت کار لەسەر هەمەچەشنکردنی دەکات، لەوانەش زیادکردنی پێدانی کارەبا لەڕێگەی پێکەوەگرێدانی هاوبەشەوە.
-سوودانی ئاماژەی بە هەوڵە بەرچاوەکانی حکومەتدا لە پرسی دەستپێکردنەوەی هەناردەکردنی نەوت لە هەرێمی کوردستانەوە، دانوستانیش لەگەڵ کۆمپانیاکانی بەرهەمهێنانی نەوت لە هەرێمی کوردستان بەردەوامە بۆ چارەسەرکردنی هەندێک کێشەی تەکنیکی پەیوەست بە دەستپێکردنەوەی هەناردەکردن.
لەلایەکی دیکەوە: وەزیری وزەی تورکیا خواستی وڵاتەکەی بۆ هاوکاری زیاتر لەگەڵ عێراق لە بوارە جیاجیاکاندا دەربڕی، لەوانەش پڕۆژەی پاڵاوگە و پیشەسازی پترۆکیمیایی، هاوکات گرنگی هەناردەکردنی نەوت لە بەسرە لە ڕێگەی بەندەری جەیهانی تورکیاوە.
ئەوەی پێویستە بیزانیت: ڕۆژی یەکشەممە ئالپئارسلان بایراکتار، وەزیری وزە و سەرچاوە سروشتییەکانی تورکیا سەردانی عێراقی کرد و لە بەغدا لەگەڵ هەریەک لە وەزیری نەوت، وەزیری کارەباو وەزیری دەرەوەی عێراق کۆبووەوە، ئێوارەی هەمان ڕۆژ سەردانی هەولێری کرد و لە میانی سەردنەکەیدا لەگەڵ مەسرور بارزانی، سەرۆکوەزیرانی کوردستان کۆبووەوە. لە کۆبوونەوەکەدا پەرەپێدانی پەیوەندییەکانی هەرێمی کوردستان و تورکیا، بە تایبەتی لە بواری وزەدا تاوتوێ کرا.
-هاوکات هەردوولا هاوڕابوون لە سەر نەهێشتنی هەموو ئاستەنگ و بەربەستەکانی بەردەم هەناردەکردنی نەوتی هەرێمی کوردستان لە ڕێگەی بەندەری جەیهان لە زووترین کاتدا.
ئەمەش بزانە: بەگوێرەی پۆستێکی ئالپئارسلان بایراکتار، وەزیری وزە و سەرچاوە سروشتییەکانی تورکیا لە تۆڕی ئێکس، ئەم دیدارەی لەگەڵ سەرۆکوەزیرانی عێراق و پێش سەردانەکەی بووە بۆ هەولێر.
دوایین هەواڵەکان
- کوردستان
- 20 خولەک لەمەوپێش
سەعدی پیرە: پەیوەندییەكانی نێوان پارتی و یەكێتی هەر باش بووە
- بزنس
- 25 خولەک لەمەوپێش
کێشە بۆ لیستی مووچەی مانگی سێ دروست بوو، بەڵام هەر زوو چارەسەر کرا
- بزنس
- 32 خولەک لەمەوپێش
لیستی مووچەی مانگی سێ ڕەوانەی بەغدا دەکرێت
- عێراق
- 1 کاتژمێر لەمەوپێش
موقتەدا سەدر سەبارەت بەنەشتەرگەری جوانکاری و یاری ئۆنۆ فەتوا دەدات
- ڕۆژهەڵاتی ناوەڕاست
- 1 کاتژمێر لەمەوپێش
ئەوقافی سووریا سەرفیترە و فیدیەی بەڕۆژوونەبوون دیاری دەکات
هەڵبژاردەکان بۆ تۆ
- عێراق
- 1 کاتژمێر لەمەوپێش
موقتەدا سەدر سەبارەت بەنەشتەرگەری جوانکاری و یاری ئۆنۆ فەتوا دەدات
- عێراق
- 2 کاتژمێر لەمەوپێش
لە ڕۆژهەڵاتی ناوەڕاست عێراق زۆرترین بڕی برنج لە ئەمریکا هاوردە دەکات
- عێراق
- 4 کاتژمێر لەمەوپێش
قۆناغی یەکەمی بەندەری فاو کۆتایی ئەمساڵ تەواو دەبێت
- عێراق
- 4 کاتژمێر لەمەوپێش
عێراق: کۆبوونەوەیەکی ئەمنی لەبارەی ڕووداوەکانی سووریا دەکرێت
- عێراق
- 5 کاتژمێر لەمەوپێش
ژمارەی ئەو فڕۆکانەی ئاسمانی عێراق بەکاردێنن زیاد دەکات