سەرۆکوەزیرانی کوردستان و وەزیری وزەی تورکیا پرسی نەوت تاوتوێ دەکەن

ئاڤا نیوز

 

ئالپئارسلان بایراکتار، وەزیری وزەی تورکیا سەبارەت بە سەردانەکەی و بۆ هەرێمی کوردستان و کۆبوونەوەی لەگەڵ سەرۆکوەزیران مەسرو بارزانی ڕایگەیاند: هەنگاوەکانی گەشەپێدانی بازرگانی نەوت و کارەبای نێوان هەولێر و ئەنقەرە تاوتوێ کران. 

چیرۆکی سەرەکی: دوێنی ئێوارە، ئالپئارسلان بایراکتار، وەزیری وزەی تورکیا لە سەردانێکی فەرمی گەیشتە بەغدا لەگەڵ محەمەد شیاع سوودانی، سەرۆکوەزیرانی عێراق کۆبوونەوە و پرسی پاراستنی ئاسایشی وزە و بەرزکردنەوەی ئاستی هەناردەی کارەبا بۆ عێراق تاوتوێ کرا.  

دوای ئەوە سەردانی هەرێمی کوردستانی کرد لەگەڵ سەرۆکوەزیران مەسرور بارزانی کۆبوونەوە. 

بڵاوکراوەی فەرمی: وەزیری وزەی تورکیا لە ئێکس ڕایگەیاندووە: دوای بەغدا سەردانی هەولێرم کرد لەگەڵ سەرۆکوەزیرانی هەرێمی کوردستان بەڕێز مەسرور بارزانی کۆبووینەوە. لە کۆبوونەوەکەدا پرسی گەشەپێدانی بازرگانی نەوت و کارەبا تاوتوێ کران. 

 

لە پاڵ ئەوەشدا: بایراکتار دەڵێت: لە میانی دیدارەکەماندا باسمان لەو هەنگاوانە کرد کە دەبێ بگیرێنەبەر بۆ پەرەپێدانی بازرگانی نەوت و کارەبا، هەنگاوی پێویست بگیرێتە بەر بۆ پەرەپێدانی هاوکاری لەگەڵ کۆمپانیا حکومی-تایبەتەکانمان لە کێڵگە هایدرۆکاربۆنەکانی هەرێمدا.

 

ئەوەی پێویستە بیزانیت: هەولێر و ئەنقەرە پەیوەندییەکی دیپلۆماسی و بازرگانی گرنگیان هەیە، پرسی هەناردەکردنەوەی نەوت لە ڕێگەی بەندەری جەیهانی تورکیا، گرنگترین خاڵی گەشەپێدانی ئابووری هەرێمی کوردستانە.