لە ماوەی ساڵێکدا زیاتر لە 51 هەزار هاوسەرگیری لە کوردستان ئەنجامدراوە

ئاڤا نیوز

 

بەپێی ئامارێک کە ئەنجوومەنی دادوەری لە هەرێمی کوردستان بڵاوی کردووەتەوە، ساڵی رابردوو زیاتر لە 51 هەزار هاوسەرگیری ئەنجام دراوە و 12 هەزار جیابوونەوەش هەبووە.

 

ئاماری فەرمی: ئەنجوومەنی دادوەری هەرێمی کوردستان، ڕایگەیاند، لە ساڵی 2024ـدا لە هەرێمی کوردستان، 12 هەزار و 384 جیابوونەوە هەبووە، لەگەڵ سێ‌ هەزار و 91 پەسندکردنی مارەبڕینی دەرەکی، هاوکات 51 هەزار و 18 هاوسەرگیری ئەنجام دراوە لەگەڵ رێگەپێدان بە 98 ژنهێنانی دووەم.

 

زانیاریی زیاتر: ساڵی رابردوو 10 هەزار و 948 وەفاتنامە دەرهێنراوە، لەگەڵ 14 هەزار و 809 دابەشنامەی شەرعی .

 

ئەوەی پێویستە بیزانیت: بەپێی ئامارەکەی ئەنجوومەنی دادوەری لە هەرێمی کوردستان، هاوسەرگیری لە هەولێر و گەرمیان زیادی کردووە و لە سلێمانی و دهۆک کەمی کردووە.