ئاگرێک لە بازاڕی دارەسووتاوەکەی سلێمانی کەوتەوە

ئاڤا نیوز 

 

بە هۆکارێکی نادیار ئاگرێک لە بازاڕی دارەسووتاوەکەی شاری سلێمانی کەوتەوە و ژمارەیەکی زۆر دووکان سووتان.

زانیاریی بەدەستهاتوو: کاتژمێر (6:00) بەرەبەیانی ئەمڕۆ شەممە 5-4-2025، ئاگرێک لەنێو دوکانەکانی بازاڕی دارەسووتاوەکەی شاری سلێمانی کەوتەوە و تەشەنەی کرد بەو هۆیەوە زیاتر دەیان دووکان و کۆگای بازاڕەکە سووتان و زیانیان پێگەیشت.

 

بڵاوکراوەی فەرمی: هەڤاڵ ئەبوبەکر، پارێزگاری سلێمانی ڕایگەیاند: ئاگرەکە بەشێک لە دوکانەکانی بازاڕەکەی گرتووەتەوە و بە هەوڵی تیمەکانی بەڕێوەبەرایەتیی بەرگریی شارستانیی سلێمانی کۆنتڕۆڵ کرا و هیچ زیانێکی گیانیی لێ نەکەوتەوە.

 

زانیاریی پەیامنێر: ژیوار عەبدولڕەحمان، پەیامنێری ئاڤا لە سلێمانی ڕایگەیاند، بەگوێرەی زانیاریی سەرەتاییەکان نزیکەی 100 دووکان سووتاون، هاوکات باس لەوە دەکرێت هۆکاری سەرەکی ئاگرکەوتنەوەکە شۆرتی کارەبا بووە.