حکومەتی هەرێمی کوردستان داوایەکی یاسایی لە کۆمپانیایەکی وزەی تورکی دەباتەوە

ئاڤا نیوز

 

حکومەتی هەرێمی کوردستان لە دادگای لەندەن، داوایەکی یاسایی لە کۆمپانیای گێناڵ ئینێرجی تورکی دەباتەوە و پابەندیش دەکرێت بەدانەوە بڕی 27 ملیۆن دۆلاری ئەمریکی. 

 

چیرۆکی سەرەکی: چوار ساڵ لەمەوبەر و لە کۆتایی ساڵی 2021، حکومەتی هەرێمی کوردستان گرێبەستی کارکردنی گێناڵ ئینێرجی هەڵوەشاندەوە و کۆمپانیایەکەش دژی ئەو بڕیارە، دوایەکی یاسایی لە دادگای ناوبژیوانی لەندەن لەسەر وەزارەتی سامانە سرووشتییەکان و حکومەت هەرێم تۆمار دەکات دوای قەربووێکی کردووە بە بڕی یەک ملیار و 750 ملیۆن دۆلاری ئەمریکی. 

بڵاوکراوەیەکی فەرمی: کۆمپانیای داواکار لە ماڵپەڕی تایبەتی خۆی ڕایگەیاندووە، دادگای ناوبژیوانی لەندەن بڕیاریداوە بڕی 26 ملیۆن و 868 هەزار دۆلار وەکو قەرەبوو بە هەرێمی کوردستان بدرێتەوە لەبری پابەند نەبوون بە گرێبەستی هەردوو کێڵگەی غازی میران و بنەباوێ. 

 

هۆکارە زانراوەکان: کێشەی گرێبەستی هەردوو کێڵگەی میران و بنەباوێ دەگەڕێتەوە بۆ هەڵوەشاندنەوەی گرێبەستەکە لەلایەن حکومەتی هەرێمی کوردستانەوە لە ساڵی 2021.

 

ئەوەی پێویستە بیزانیت: بەهۆی پابەند نەبوون بە ناوەڕۆکی گرێبەستەکانەوە، دادگاکە لە 2ی مانگی11ی 2024 ساڵی ڕابردوو سکاڵاکەی ڕەت کردەوە لە بەرژەوەندیی کوردستان.