ناكۆكییەكانی ئێران و ئەمریكا هاڕە بە تمەن دەكات

ئاڤا نیوز

بەهۆی هەڵكشانی گرژی و ئاڵۆزییەكانی نێوان ئێران و ئەمریكا، تا دێت بەهای تمەن زیاتر دادەبەزێت و بەپێی نوێترین نرخی تۆماركراو لە بازاڕەكانی دراوی ئێران، یەك دۆلاری ئەمریكی بەرامبەر 104 هەزار و 300 تمەنە، واتە 100 دۆلار بە سەرووی 10 ملیۆن تمەن مامەڵەی پێوە دەكرێت.

هۆكارە زانراوەكان: لەپاڵ هەڵكشانی گرژییە سیاسییەكان، بەهۆی پشووەكانی هەردوو جەژنی نەورۆز و ڕەمەزان و داخستنی بۆرسەی فەرمیی ئاڵوگۆڕی دراو، خەڵكی ئێران لە نووسینگە نافەرمییەكانی ئاڵوگۆڕی دراو لە شەقام و شوێنە گشتییەكان، دراوەكانیان ئاڵوگۆڕ كردووە و دووچاری جۆرێك لە قۆرخكاری و خراپ بەكارهێنان هاتوون.

کاریگەری و لێکەوتەکان: هاوكارانمان لە ڕۆژهەڵاتی كوردستان و ئێران دەڵێن، هاڕەكردنی بەهای تمەن و بەرزبوونەوەی زیاتری بەهای دۆلار، گرانییەكی زۆرتری خستووەتە نێو بازاڕەكان و بارگرانی لەسەرشانی هاووڵاتیان دروستكردووە، تەنانەت زۆرێك لە نووسینگەكانی ئاڵوگۆڕی دراو، كڕین و فرۆشتنی تمەنیان ڕاگرتووە بەهۆی نادڵنیایی لە نرخەكان و نەبوونی زانیاریی لەسەر خستنەڕوو و خواست.