ترەمپ: لە ڕۆژێکدا دوو ملیار دۆلارمان بەهۆی سەپاندنی باجەوە دەستکەوتووە

ئاڤا نیوز

 

ڕۆژی چوارشەممە، سەرۆکی ئەمریکا ڕایگەیاند، لە ڕۆژێکدا نزیکەی دوو ملیار دۆلاریان بەهۆی پێناسە گومرکییەکانەوە دەستکەوتووە.

 

وێنە گەورەکە: ڕۆژی چوارشەممە 9-4-2025، بڕیاری سەپاندنی پێناسی گومرگیی ئەمریکا کە هەفتەی ڕابردوو دۆناڵد ترەمپ، سەرۆکی ئەو وڵاتە واژۆی کرد، بۆ سەر کاڵای دەیان وڵات کەوتە بواری جێبەجێکردنەوە.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: هەڵسەنگاندنمان بۆ ئەو پێناسە گومرگییانە کرد کە لە 2ی نیساندا سەپاندمان؛ بۆمان دەرکەوت لە ڕۆژێکدا دوو ملیار دۆلارمان دەستکەوتووە.

 

زانیاریی زیاتر: ''ژاپۆن بەرەو ئەمریکا دێت بۆ ئەنجامدانی ڕێککەوتنێک، کۆریای باشووریش دێت بۆ ئێرە بۆ ڕێککەوتن، وڵاتانی دیکەش ئەم کارە دەکەن''. دۆناڵد ترەمپ وادەڵێت.

 

کاردانەوەکان: ئەم بڕیارەی دۆناڵد ترەمپ، سەرۆکی ئەمریکا بۆ سەپاندنی باجی زیاتر بەسەر وڵاتاندا کاردانەوەی جیهانی بەدوای خۆیدا هێنا و دەڵێن، شەڕی بازرگانی قەیرانێکی گەورە بۆ ئابووریی جیهان بەدوای خۆیدا دەهێنێت و هاوکات وڵاتانیش باجی زیاتر بەسەر هاوردەکراوەکانی ئەمریکا دەسەپێنن.