پارێزگاری هەولێر بانگهێشتی تاران دەكرێت

ئاڤا نیوز

پارێزگاری هەولێر بەفەرمی بانگهێشتی كردنەوەی پێشانگەی 'Iran-expo' دەكرێت كە بڕیارە لە ڕۆژی 28ـی ئەم مانگە بە بەشداری زیاتر لە 100 وڵات و 800 كۆمپانیای جیهانی، لە تارانی پایتەختی ئێران بكرێتەوە.

چیرۆكی سەرەكی: فەرامەرز ئەسەدی، سەرکونسڵی گشتیی کۆماری ئیسلامی ئێران، سەردانی دیوانی پارێزگای هەولێری كرد و بانگهێشتنامەی فەرمیی وڵاتەكەی بە ئومێد خۆشناو، پارێزگاری هەولێر دا بەمەبەستی بەشداریكردن لە پێشانگەی 'ئێران-ئێكسپۆ2025'.

ڕاگەیێنراوی فەرمی: پارێزگاری هەولێر خۆشحاڵی خۆی بەم بانگهێشتنامەیە دەربڕی و جەختی لە پتەوكردنی پەیوەندییەكانی نێوان هەرێمی كوردستان و كۆماری ئیسلامیی ئێران كردەوە، بەتایبەت لەبواری جموجۆڵی بازرگانی و گەشەپێدانی پەیوەندییە ئابوورییەكان.

لەلایەكی دیكەوە: لە دیداری پارێزگاری هەولێر و كونسوڵی گشتیی ئێران، گفتوگۆ لەبارەی ئامادەكارییەكان بۆ كۆبوونەوەی فراوانی پارێزگارانی (هەولێر، ئازەربێجانی ڕۆژئاوا، سلێمانی، سنە، دهۆك و كرماشان) كرا كە بڕیارە لە ڕێككەوتی 20-5-2025 لە شاری سنە لە ڕۆژهەڵاتی كوردستان بەڕێوەبچێت، هەردوولا لەسەر وردەكاریی سەردانەكە و چۆنیەتی بەڕێوەچوونی كۆبوونەوەكان هاوڕابوون.