نرخی مسقاڵێک زێڕی عەیار 21 لە 700 هەزار نزیک دەبێتەوە

ئاڤا نیوز

 

تادێت نرخی زێڕ لە بازاڕ بەرز دەبێتەوە و نرخی مسقاڵێك زێڕی عەیار 21 لە بازاڕەكانی هەرێمی كوردستان لە 700 هەزار دینار نزیكبووەتەوە.

 

وێنە گەورەکە: ماوەی چەند مانگێکە بەهۆی نادڵنیایی لە بازاڕە جیهانییەکان لە ئاکامی بەردەوامیی گرژی و ئاڵۆزییەکانی جیهان لەلایەک و پەیڕەوکردنی سیستمی پێناسی گومرگیی نوێ لەلایەن سەرۆکی ئەمریکا لەلایەکی دیکەوە، وایکردووە نرخی زێڕ بەردەوام بەرزبێتەوە، بەجۆرێك بەرزترین ئاستی لە مێژوودا تۆماركردووە.

 

زانیاریی زیاتر: بەگوێرەی نوێترین بڵاوكراوەی سەندیكای زێڕینگەرانی هەولێر، نرخی مسقاڵێک زێڕی عەیارە 21 بە 695 هەزار دینار مامەڵەی پێوە دەکرێت. زێڕی عەیار 24ـیش گەیشتووەتە 800 هەزار دینار.

 

هۆكارە زانراوەكان: لەپاڵ پەیڕەوكردنی سیستمی پێناسی گومرگی نوێ لەلایەن ترەمپ و هەڵكشانی گرژی و ئاڵۆزییەكان، بەهۆی پشووەكانی جەژنی قیامە و داخستنی بازاڕی زێڕ، نرخی یەك ئۆنسە زێڕ لە مامەڵە جیهانییەكان گەیشتە سێ هەزار و 328 دۆلار، ئەوەش لەكاتێكدا هەفتەی ڕابردوو گەیشتە بەرزترین ئاست لە مێژوودا كاتێك یەك ئۆنسە بە سێ هەزار و 358 دۆلار مامەڵەی پێوە كرا.