نرخی کڕینی گەنم لە جووتیاران دیاری دەکرێت

ئاڤا نیوز

نرخی کڕینی گەنم لە جووتیارانی عێراق و هەرێمی کوردستان دیاری کراوە، نرخی ئەو گەنمەی بە مەڕەشە ئاو دەدرێت جیاوازە لەگەڵ ئەو گەنمەی بە ئاوی باران بەرهەم دێت.

وێنە گەورەکە: ساڵانە لەلایەن وەزارەتی بازرگانی عێراق نرخ بۆ گەنمی جووتیاران دادەنرێت، بۆ ئەمساڵیش نرخی کڕینی گەنم لە جووتیاران بە دوو جۆر دیاریکراوە، 850 هەزار دینار بۆ هەر تۆنێک گەنم دەدرێتە ئەو جووتیارانەی کە بە شێوازی سەردەمیانە و بە مەڕەشە گەنمیان بەرهەمهێناوە، هاوکات 800 هەزار دیناریش بۆ ئەو جووتیارانە دیاریکراوە کە بە ئاوی باران گەنمیان بەرهەمهێناوە.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی هەرێمی کوردستان، بە ئاڤا میدیای ڕاگەیاند، نرخی کڕینی گەنم لە جووتیاران بۆ هەموو عێراق وەکو یەکە، بۆ ئەمساڵیش پارەکەش بە شێوازی ئەلیکترۆنی خەرج دەکرێت، دەبێت جووتیارەکان هەژماری بانکی بۆ خۆیان دروست بکەن تاوەکو لەڕێگەی کارتی بانگی و هەژماری تایبەتی خۆیان پارکە وەربگرن.

- بۆ ئەمساڵیش نرخی کڕینەوەی گەنم لە جووتیاران بە دوو جۆر دیاریکراوە. 850 هەزار دینار بۆ هەر تۆنێک گەنم دەدرێتە ئەو جووتیارانەی کە بە شێوازی سەردەمیانە و بە مەڕەشە گەنمیان بەرهەمهێناوە. 800 هەزار دیناریش بۆ ئەو جووتیارانە دیاریکراوە کە بە ئاوی باران گەنمیان بەرهەمهێناوە.