هاتووچۆی سلێمانی سەبارەت بە گرێبەستی ئەلیكترۆنی ڕوونكردنەوە دەدات

ئاڤا نیوز

بەڕێوەبەرایەتیی هاتووچۆی سلێمانی لە ڕوونكردنەوەیەكدا شۆفێران ئاگادار دەكاتەوە كە گرێبەستی ئەلیكترۆنی دوای 60 ڕۆژ سزای دەچێتە سەر.

لێدوانی فەرمی: جەزا مەحموود کاکە عەبدوڵڵا، لێپرسراوی هۆبەی گرێبەستەکان و کۆمپانیاکان لە بەشی یاسایی بەڕێوەبەرایەتیی هاتووچۆی سلێمانی ڕایگەیاند: بەپێی بەیانی ژمارە (2)ی ساڵی 2022ی وەزارەتی ناوخۆ گرێبەستی ئەلیکترۆنی بۆ ماوەی (60) ڕۆژ  دەدرێت بۆ تۆمارکردن یاخود گواستنەوەی خاوەندارێتی، لە دوای تەواوبوونی ماوەی ڕێگەپێدراو بەپێی ماددەی (5) بڕگەی (1)ی هەمان بەیان هەموو ڕۆژێک بڕی 10 هەزار دینار سزای دواکەوتنی لێ وەردەگیرێت.

- ئەگەر هاووڵاتییەک نەیەوێت مامەڵەی گواستنەوەی خاوەندارێتییەکە ئەنجام بدات، پێویستە سەردانی بەشی یاسایی لە بەڕێوەبەرایەتیی هاتووچۆ بکات بەمەبەستی هەڵوەشاندنەوەی گرێبەستەکە بۆ ئەوەی سزای دواکەوتن نەیگرێتەوە.