سەرەڕای دابەزینی نرخەکەی؛ عێراق ئاستی بەرهەمهێنانی نەوت بەرزدەکاتەوە

ئاڤا نیوز

هەرچەندە بەهای نەوت بەشێوەیەکی بەرچاو دابەزیوە، بەڵام عێراق و حەوت وڵاتی دیکەی ئۆپیک پڵەس بڕیاریاندا لە مانگی داهاتووەوە ڕۆژانە 411 هەزار بەرمیل نەوت زیاتر بەرهەمبهێنن.

ئەوەی پێویستە بیزانیت: ئێستا عێراق ڕۆژانە چوار ملیۆن بەرمیل نەوت بەرهەمدەهێنێت، بەگوێرەی ڕێککەوتنەکەی ئەمڕۆی ئۆپیک پڵەس، لە مانگی داهاتوودا دەتوانێت ڕۆژانە چوار ملیۆن و 86 هەزار بەرمیل نەوت بەرهەم بهێنێت.

ڕاگەیێنراوی فەرمی: وەزارەتی نەوتی سعوودییە بڵاویکردەوە، هەریەکە لە سعوودییە، ئیمارات، عێراق، کوەیت، ڕووسیا، کازاخستان، جەزائیر و عومان بڕیاریاندا لە مانگی داهاتووەوە ڕۆژانە 411 هەزار بەرمیل بەرهەمهێنانی نەوت زیاد بکەن.

زانیاریی زیاتر: ئێستا بەهای نەوت لە بازارەکانی جیهاندا بە دەوروبەری 61 دۆلارە، ئۆپیک پڵەسیش ئاشكرای دەکات کە هۆکاری بڕیاری زیادکردنی بەرهەمهێنانی نەوت بۆ ئەوە دەگەڕێتەوە کە دەیانەوێت پشکی خۆیان لە بازاردا وەربگرنەوە و چیتر کورتهێنان بە ئامانجی بەرزکردنەوەی بەهای نەوت ناکەن.