شاندی یاوەری ترەمپ بۆ ڕۆژهەڵاتی ناوەڕاست کێن؟

ئاڤا نیوز

 

سەرۆکی ئەمریکا بە یاوەری شاندێکی باڵای ئەمریکی سەردانێک بۆ ڕۆژهەڵاتی ناوەڕاست دەکات و لەگەڵ سەرۆک و سەرکردەکانی ناوچەکە کۆدەبێتەوە.

 

چیرۆکی سەرەکی: دوێنی دووشەممە، دۆناڵد ترەمپ، سەرۆکی ئەمریکا بەرەو ڕۆژهەڵاتی ناوەڕاست بەڕێکەوت و چاوەڕێدەکرێت کاتژمێر 9:45ی بەیانی ڕۆژی سێشەممە، ترەمپ بە یاوەری ژمارەیەک بەرپرسی باڵای ئەمریکا بگات و یەکەم وێستگەی سەردانەکەشی وڵاتی سعودییە دەبێت.

 

زانیاریی بەدەستهاتوو: بەپێی هەواڵێکی کەناڵی سی ئێن ئێن، هەریەکە لە مارکۆ ڕۆبیۆ، وەزیری دەرەوە و پیت هێگسێت، وەزیری بەرگری و سکۆت بێسنت، وەزیری گەنجینەی ئەمریکا و وەزیری بازرگانی ئەمریکا و زۆربەی ستافی کۆشکی سپی یاوەری ترەمپ بۆ سەردانەکەی ڕۆژهەڵاتی ناوەراست دەکەن.

 

ئەوەی پێویستە بیزانیت: سەرۆکی ئەمریکا لە یەکەم خولی سەرۆکایەتییەکەشیدا سەردانی سعودییەی کرد و چەندین ڕێککەوتنی بازرگانی لەگەڵ ئەو وڵاتە واژۆ کردووە، ئەمەش گرنگی جێگە و پێگەی سعودییە بۆ ترەمپ و ئەمریکا نیشان دەدات.

 

زانیاریی زیاتر: ئەمڕۆ سێشەممە کۆڕبەندی بازرگانی سعودییە-ئەمریکی بەڕێوەدەچێت، هەریەکە لە ئیلۆن ماسک، بەڕێوەبەری جێبەجێکاری کۆمپانیای تێسلا و ئەندی جاسی، بەڕێوەبەری جێبەجێکاری کۆمپانیای ئەمازۆن، هەروەها بەڕێوەبەریی جێبەجێکاری کۆمپانیاکانی بلاک ڕۆک، چەندین کۆمپانیای دیکەی گەورە بانگهێشت کراون.