هەژماری من وادەی دابەشکردنی مووچەخۆرانی سێ وەزارەتی ڕاگەیاند

ئاڤا نیوز 

 

دابەشكردنی مووچەی فەرمانبەرانی سێ وەزارەتی هەرێمی كوردستان، ئەوانەی لە ڕێگەی هەژماری منەوە مووچە وەردەگرن، پێش دەخرێت.

وێنە گەورەکە: ئەمڕۆ سێشەممە ڕێککەوتنی 13ـی 5ـی 2025، وەزارەتی دارایی فیدراڵ بڕی 959 ملیار دیناری بۆ مووچەی مانگی چواری مووچەخۆرانی هەرێمی کوردستان خستە سەر هەژماری وەزارەتی دارایی و ئابووریی کوردستان. دواتر لە چوارچێوەی ڕێکارەکانی دابەشکردنی مووچە، وەزارەتی دارایی کوردستان خشتەی مووچەی بڵاوکردەوە.

 

ڕاگەیێنراوی فەرمی: بەپێی ڕاگەیێنراوی تیمی هەژماری من، سبەی چوارشەممە، 14-5-2025، مووچەی فەرمانبەرانی وەزارەتەكانی خوێندنی باڵا و توێژینەوەی زانستی، پەروەردە و تەندروستی دابەش دەكرێت، ئەوانەی كە مانگانە لە ڕێگەی هەژماری منەوە مووچە وەردەگرن.

 

ئەوەی پێویستە بیزانیت: بەپێی خشتەی مووچە، كە ئەمڕۆ وەزارەتی دارایی بڵاویكردەوە، ڕۆژی 15-5 وادەی دابەشكردنی مووچەی وەزارەتەكانی تەندروستی و پەروەردە و ڕۆژی 18-5یش وادەی دابەشكردنی مووچەی وەزارەتی خوێندنی باڵایە، بەڵام بەپێی ڕاگەیێنراوی تیمی هەژماری من دابەشكردنی مووچەخۆرانی تۆماركراو لە هەژماری من پێش دەخرێت.