سەرۆک بارزانی: حكومەتێك پێكناهێنرێت لەسەر بنەمای پەنجا بە پەنجا

ئاڤا نیوز

لەمیانی پێشکەشکەدنی وتارێک لە  کۆنگرەی یەکگرتنی هەردوو ڕێکخراوی یەکێتیی قوتابیان و لاوان، سەرۆک بارزانی تیشکی خستەسەر پێکهێنانی کابینەی نوێی حکومەتی هەرێم و وتی، یەک حکومەت، یەک هەرێم، یەک هێزی پێشمەرگە بنەمای حکومەتی نوێ دەبێت.

وێنە گەورەکە: پارتی و یەكێتی، زنجیرەیەک کۆبووەنەوە و دانوستانیان بەمەبەستی پێکهێنانی کابینەی دەیەمی حکومەتی هەرێمی کوردستان کردووە، دواینجار لە دووکان و لەسەر ئاستی باڵا کۆبووەنەوە و ئێستا لە قۆناغی دابەشکردنی پۆستەکاندان.

لێدوانی فەرمی: سەرۆک بازرانی لەبارەی پێکهێنانی حکومەتی نوێی هەرێمی کوردستان گوتی: یەک حکومەت، یەک هەرێم، یەک هێزی پێشمەرگە بنەمای حکومەتی نوێ دەبێت، ئەگەر حکومەت لەسەر بنەمای ئەم بنەمایانە دروست نەبێت پێکنەهێنانی باشترە. حكومەتێك پێكناهێنرێت لەسەر بنەمای پەنجا بە پەنجا.

بەشێکی دیکە لە وتەکانی سەرۆک بارزانی:

٠ بانگهێشتی سەرجەم ئەو لایەنانەمان کرد کە کورسیان لە پەرلەمان بەدەستهێناوە، بۆ ئەوەی حکومەتێکی بنکە فراوان دروست بکەین، بەشێکیان ئۆپۆزسیۆنیان هەڵبژارد و ئێمە ڕێزی لێدەگرین.

٠ دەنگەكانی پارتی بە هی كەركووك و نەینەواوە لە یەك ملیۆن تێپەڕ دەبێت.

٠ پارتی حیزبی ژمارە یەكە لە عێراق.