مەرجەکانی ئازادکردنی بارمتەیەکی ئیسرائیلی لە عێراق ئاشکرا دەکرێت

ئاڤا نیوز

بەپێی زانیاریی سەرچاوەیەکی هەواڵ، ڕفێنەرانی ئەلیزابێس تسورکۆڤ، ئەو لێکۆڵەرە ئیسرائیلی بەڕەگەز ڕووسییەی کە لە عێراق بەبارمتە گیراوە، لەبەرامبەر ئازادكردنی چەند مەرجێکیان خستووەتەڕوو.
  
چیرۆکی سەرەکی: لە سەرەتای مانگی تەمموزی ساڵی 2023دا ئیسرائیل ڕفاندنی ئەلیزابێس تسورکۆڤ، توێژەری زانکۆی پرینستۆنی ئەمریکی و هەڵگری ڕەگەزنامەی ئیسرائیلی و ڕووسیی لەلایەن گرووپێکی چەکدارییەوە لە بەغدای پایتەختی عێراق ڕاگەیاند.

 

ڕاگەیێنراوی فەرمی: بەشێک لە میدیاکانی عێراق لەزاری سەرچاوەیەکی تایبەتەوە بڵاویان كردووەتەوە:  ڕفێنەرانی ئەلیزابێس تسورکۆڤ، كچە بارمتە ئیسرائیلییەكە، داوای ئازادكردنی دەستگیركراوێكی ئێرانی و شەش كەسێكی دیکەیان كردووە، تاوەکو ئەوانیش ئەو لێکۆڵەرە ئازاد بکەن. 

لەلایەکی دیکەوە: ئەو سەرچاوەیە ئاماژەی بۆ ئەوەشکردووە کە ئازادکردنی ئەو ژمارە کەسە هەفتەیەک بۆ 10 رۆژ زیاتر تێناپەڕێت.