د.محەممەد خورشید: داوامان کردووە بەغدا پێش جەژن مووچە بنێرێت

ئاڤا نیوز

 

بەرپرسێکی پارتی کە لە کۆبوونەوەی ئەمڕۆی کۆمیتەی ناوەندی حیزبەکەی بەشداربووە دەڵێت: ئەگەر تا 5ی ئەم مانگە بەغدا مووچە ڕەوانە نەکات، ئەوا هەڵوێستمان دەبێت'.

 

وێنە گەورەکە: ڕۆژی 2-6-2025 2025، کۆمیتەی ناوەندی پارتی دیموکراتی کوردستان بە سەرپەرشتی سەرۆک مەسعود بارزانی کۆبووەوە، تەوەری سەرەکی کۆبوونەوەکەش تاوتوێکردنی پرسی ڕاگرتنی مووچەی فەرمانبەرانی کوردستان لەلایەن وەزارەتی دارایی عێراقەوە بوو. 

 

لێدوانی فەرمی: د. محەممەد خورشید، بەرپرسی لقی 12ی پارتی، بە ئاڤا میدیای ڕاگەیاند: داوای ناردنی مووچە و چارەسەرکردنی کێشەکانمان پێش جەژن کردووە، ئومێد هەیە کە کێشەکە چارەسەر بکرێت.

 

- چاوەڕوان دەکەین تاوەکو 5-6-2025، ئەم گرفتە چارەسەر بکەن، ئەگەر نەیانتوانی چارەسەری بکەن، ئەو کاتە پارتی هەنگاو هەنگاو ئەو بڕیارانەی بیری لێکردووەتەوە جێبەجێی دەکات. 

 

- ئەو گفتوگۆیانەی لەنێوان ئێمە و حکومەتی فیدراڵ هەیە هەنگاوی یەکەمە، پارتی بە هیچ شێوەیەک لە هەڵوێستەکانی پاشەکشێ ناکات. 

 

- دوو ئەندامی شاندەکان لە کۆبوونەوەی ئەمڕۆی کۆمیتەی ناوەندی بەشداربوون، بۆچوون و هەڵوێستەکانمان دەگوازنەوە و چاوەڕێی دەرئەنجام دەکەین.