مالیکی: کێشەکانی هەولێر و بەغدا لەڕێگەی دیالۆگ چارەسەر دەکرێن

ئاڤا نیوز

لەمیانی دیدارێکدا لەگەڵ جێگری سەرۆکوەزیران و وەزیری دەرەوەی عێراق، سەرۆکی هاوپەیمانیی دەوڵەتی یاسا، ئاشکرایکرد کە سەرجەم کێشە هەڵپەسێردراوەکانی نێوان بەغدا و هەولێر لە ڕێگەی دیالۆگەوە چارەسەر دەکرێن.

چیرۆکی سەرەکی: ئەمڕۆ پێنجشەممە 5-6-2025، نووری مالیکی، سەرۆکی هاوپەیمانیی دەوڵەتی یاسا، پێشوازی لە فوئاد حوسێن، جێگری سەرۆکوەزیران و وەزیری دەرەوەی عێراق کرد و تاوتوێی دوایین پێشهاتەکانی نێوان هەولێر و بەغدایان کرد.

ڕاگەیێنراوی فەرمی: نووسینگەی ڕاگەیاندنی سەرۆکی هاوپەیمانی دەوڵەتی یاسا بڵاوی کردەوە: لە پێناو پاراستنی سەقامگیری سیاسی و دروستکردنی لێکتێگەیشتنێکی هاوبەش لەنێوان هێزە سیاسییەکان، نووری مالیکی ئاماژەی بەوەکرد، سەرجەم کێشە هەڵپەسێردراوەکانی نێوان بەغدا و هەولێر لە ڕێگەی دیالۆگەوە چارەسەر دەکرێن.

هاوکات، لە دیدارەکەدا گرنگی بەهێزکردنی ڕۆڵی عێراق لەسەر ئاستی ناوچەکە و نێودەوڵەتی سەبارەت بە پێشهاتە سیاسی و ئەمنییەکان تاوتوێ کرا.