ئیسرائیل کوژرانی هەشت سەربازی سوپاکەی ڕاگەیاند

ئاڤا نیوز

 

سوپای ئیسرائیل کوژرانی هەشت سەربازی خۆی لە ماوەی 48 کاتژمێردا لە ناوچەکانی کەرتی غەززە لە یەکەی 'یهلم' ڕاگەیاند.

 

زانیاریی بەدەستهاتوو: میدیا ئیسرائیلییەکان بڵاویانکردەوە، لە ماوەی 48 کاتژمێری ڕابردوو هەشت سەربازی سوپای ئیسرائیل کە چواریان لە کەمینێک لە ناوچەی خان یونس لە کەرتی غەززە کوژراون، بەمەش ژمارەی سەربازە کوژراوەکانی سوپای ئیسرائیل لە سەرەتایی هێرشەکان بۆ سەر کەرتەکە گەیشتە 600 سەرباز.

 

ئەوەی پێویستە بیزانیت: هەفتەی ڕابردووش سوپای ئیسرائیل کوژرانی هەشت سەربازی دیکەی لە کەرتی غەززە ڕگەیاند و تا ئێستا ئیسرائیل هیچ ئامارێکی تەواوی لە بارەی سەربازە کوژراوەکانی لە شەڕی غەززە ڕانەگەیاندووە.

 

لەلایەکی دیکەوە: سەرچاوە پزشیکییەکانی کەرتی غەززە ڕایانگەیاند، لە سەرەتای هێرشەکانی ئیسرائیل بۆ سەر کەرتی غەززە زیاتر لە 180 هەزار کەس کوژران و برینداربوون و زیاتر لە 11 هەزار کەسی دیکەش برینداربوون.