ترەمپ: بەهۆی مەترسییەکانەوە کارمەندەکانمان لە ڕۆژهەڵاتی ناوەڕاست دەگوازینەوە

ئاڤا نیوز

ئەمریکا کارمەندەکانی لە ڕۆژهەڵاتی ناوەڕاست دەکشێنێتەوە و ترەمپیش دەڵێت، لە داهاتوودا دەبینین چی لە ناوچەکەدا ڕوودەدات.

وێنە گەورەکە: ئەمریکا سوورە لەوەی ڕێگری بکات ئێران ببێتە خاوەنی چەکی ئەتۆم و ئامادەکاری دەکات بۆ لێکەوتەکانی ئەو سیاسەتەی بەرامبەر تاران.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، کارمەندانی ئەمریکا لە ڕۆژهەڵاتی ناوەڕاست دەگوازرێنەوە، چونکە دەکرێت شوێنێکی مەترسیدار بێت و لە داهاتوودا دەبینین چی ڕوودەدات، بەڵام ئێمە ڕێنماییمان پێداون بۆ ئەوەی لەوێ نەمێنن و دەبینین دواتر چی ڕوودەدات. ئێران ناتوانێت چەکی ئەتۆمی هەبێت و ڕێگە بەو شتە نادەین ڕووبدات.