ترەمپ هەڕەشە لە ئێران دەکات: هێرش بکەنە سەرمان بەجۆرێک لێتان دەدەین هەرگیز پێشتر نەتانبینیبێت

ئاڤا نیوز

سەرۆکی ئەمریکا لەبارەی هێرشەکانی ئیسرائیل و ئێرانەوە پەیامێکی بڵاوکردەوە  و دەڵێت، ئەمریکا پەیوەندی بەم هێرشەوە نییە و هەڕەشەی ئەوەش دەکات کە بۆ هەر جۆرە هیرشێک وەڵامدانەوەیان دەبێت. 

 

چیڕۆکی سەرەکی: ئیسرائیل ماوەی سێ ڕۆژە هێرشێکی فراوانی بۆ سەر ئێران دەستپێکردووە، لە ئەنجامدا چەندین سەرکردەی باڵای سەربازی وڵاتەکە کوژران، لەهەمان ڕۆژدا ئێران بە مووشەک وەڵامی هێرشەکەی دایەوە، تاوەکو ئێستا هەردوو بەردەوامن لە ئاراستەکردنی مووشەک بەرامبەر بە یەک.

 

لێدوانی فەرمی: دۆناڵد ترەمپ، لە تۆڕی کۆمەڵایەتی ترووس سۆشیاڵ ڕایگەیاند، ئەمریکا پەیوەندی بەهێرشەکەی ئیسرائیل بۆ سەر ئێرانەوە نییە، ئەگەر هێرشیشمان بکرێتە سەر وەڵامێکی بەهێزمان دەبێت کە هەرگیز نەتانبینووە. 

 

- لە درێژەی نووسراوەکەیدا ترەمپ دەڵێت، بەئاسانی دەتوانین بگەینە ڕێککەوتنێک لەنێوان ئێران و ئیسرائیل و کۆتایهێنان بەم پێکدادانە خوێناوییە.