ترەمپ: بە زووترین کات هەر ئێستا تاران جێبهێڵن

ئاڤا نیوز

 

سەرۆکی ئەمریکا لەسەر هەڕەشە و تووند و تیژییەکانی نێوان ئیسرائیل و ئێران پەیامێکی خێرای بۆ هاووڵاتییانی ئێران هەیە و دەڵێت: بە زووترین کات هەر ئێستا تاران جێبهێڵن.

چیرۆکی سەرەکی: گرژی و ئاڵۆزییەکانی نێوان ئێران و ئیسرائیل پێی ناوەتە ڕۆژی پێنجەمییەوە و هەردوولا هەڕەشەی تووند لەیەکتری دەکەن و هێرشەکانیان بۆ سەر یەکتری بەردەوامە. 

 

ڕاگەیێنراوی فەرمی: دۆناڵد ترەمپ، سەرۆکی ئەمریکا لە ترووس سۆشیاڵ پەیامێکی خێرای بڵاوکردووەتەوە دەڵێت: دەبوو ئێران ئەو ڕێککەوتنەی واژۆکردابە کە پێم وتبوون، شەرمەزارییە ژیانی هاووڵاتیان بکرێتە قوربانی، زۆر بەسادەیی وتم بڵێن ئێران ناتوانێت چەکی ئەتۆمی هەبێت. 

لە بەشێکی دیکەی قسەکانی دا ترەمپ نووسیویەتی: داوای لە هاووڵاتیانی ئێران دەکەم، بە زووترین کات هەر ئێستا تاران جێبهێڵن.

لەلایەکی دیکەوە: لە ماوەی چوار ڕۆژی ڕابردووی شەڕ تاوەکو درەنگانی شەوی دووشەممە، بەپێی داتاکانی وەزارەتی تەندروستی ئێران،  زیاتر لە  224 کەس گیانیان لەدەست داوە و زیاتر لە هەزار و 277 کەسیش بریندار بوون. تەندروستی ئیسرائیلیش دەڵێت، لە ئەنجامی هێرشی ئێران بۆ سەر ئیسرائیل تاوەکو بەیانی ئەمڕۆ 24 کەس کوژراون و زیاتر لە 390 کەسیش بریندار بوون.