ترەمپ پەیامێکی خێرا لەبارەی جەنگی نێوان ئیسرائیل و ئێران بڵاودەکاتەوە

ئاڤا نیوز

تەنها لەماوەی چەند کاتژمێرێکدا ترەمپ چەند پەیامێکی جیاواز لەبارەی جەنگی ئیسرائیل و ئێران بڵاودەکاتەوە لە تازەترین قسەشیدا دەڵێت: ئێران زۆر نزیکە لەوەی ببێتە خاوەن چەکی ئەتۆمی. 

چیرۆکی سەرەکی: ئاگری جەنگی نێوان ئیسرائیل و ئێران تادێت فراوانتر دەبێت، سەرۆکی ئەمریکاش لەماوەی چەند کاتژمیری ڕابردوودا چەندین پەیامی جیاوازی لەبارەی ئەمەوە بڵاوکردووەتەوە و بەڵام تاوەکو ئێستا بەڕوونی باسی لە ئەگەری ڕێککەوتن و کۆتایی هێنان بەشەڕ نەکردووە. 

 

لێدوانی فەرمی: دۆناڵد ترەمپ، سەرۆکی ئەمریکا لە نوێترین پەیامیدا بۆ کەناڵی CBS ئەمریکی دەڵیت: بەمزووانە ستیڤ ویتکۆف، نێردەی تایبەتی ئەمریکا بۆ ڕۆژهەڵاتی ناوەڕاست یان جەی ڤانس, دەنێرمە ئێران بۆ کۆبوونەوە لەگەڵ بەرپرسانی ئێران.

- ترەمپ لە بەشێکی دیکەی پەیامەکەیدا بابەتێکی هەستیاری باسکردووە و دەڵێت:  ئێران زۆر نزیکە لە بوون بە خاوەنی چەکی ئەتۆمی.

- هیچ زانیارییەکمان نییە کە ڕووسیا یان کۆریای باکوور یارمەتی ئێرانیان لە شەری ئیسرائیل دابێت.

- هیوادارین بەرنامە ئەتۆمییەکانی ئێران لەناو ببرێت بەبێ دەستوەردانی ڕاستەوخۆی ئەمریکا. 

لەلایەکی دیکەوە: سەرۆکی ئەمریکا باسی لەوە دەکات کە ئێران باش دەزانێت ئەگەر زیان بە گەلەکەمان بگەیێنین زۆر بە تووندی وەڵامیان دەدەینەوە.

- من باسم لەوە نەکردووە کە ئاگربەستی نێوان ئیسرائیل و ئێران ڕادەگەیەنم. 

لەلایەکی دیکەوە: دۆناڵد ترەمپ، سەرۆکی ئەمریکا سەبارەت بە گەڕانەوەی بۆ ئەمریکا لە دوای کۆبوونەوەی لەگەڵ ئەندامانی گرووپی حەوت ڕایگەیاند: بەپەلە گەڕانەوەم بۆ ئەمریکا بۆ ئەوە نییە کار لەسەر ڕاگەیاندنی ئاگربەستی نێوان ئیسرائیل و ئێران بکەم، هۆکارەکە زۆر لەوە گەورەترە.