چین: ترەمپ ئاگری جەنگ خۆشتر دەکات

ئاڤا نیوز

 

چین، سەرۆکی ئەمریکا تۆمەتبار دەکات بەوەی ئاگری جەنگی نێوان ئێران و ئیسرائیل خۆشتر دەکات.

 

وێنە گەورەکە: رۆژی سێشەممە 17-6-2025، چین، دۆناڵد ترەمپ، سەرۆکی ئەمریکای بەوە تۆمەتبار کرد؛ ئاگری جەنگی نێوان ئیسرائیل و ئێرانی خۆشتر کردووە، ئەمەش دوای ئەوەی سەرۆکی ئەمریکا دانیشتووانی تارانی ئاگادارکردەوە لەوەی دەستبەجێ شارەکەیان چۆڵبکەن.

 

راگەیێنراوی فەرمی: گوۆ جیاکون، گوتەبێژی وەزارەتی دەرەوەی چین لە کۆنگرەیەکی ڕۆژنامەوانیدا پرسیاری لەبارەی لێدوانەکانی ترەمپ لێکرا، ئەویش لە وەڵامدا ڕایگەیاند: خۆشکردنی ئاگری شەڕ، هەڕەشەکردن و زیادکردنی فشارەکان، یارمەتیدەر نابێت لە هێورکردنەوەی دۆخەکە، بەڵکو دەبێتە هۆی فراوانکردنی ململانێکان.

 

ئەمەش بزانە: ئەم هەڵوێستەی چین لەکاتێکدایە، دوێنێ ترەمپ داوای لە هاووڵاتییانی تاران کرد؛ بە زووترین کات شارەکە چۆڵ بکەن، وەک ئاماژەیەک بۆ بوونی مەترسی.