کۆبوونەوە گرنگەکەی ترەمپ لەبارەی جەنگی ئیسرائیل و ئێران تەواو بوو

ئاڤا نیوز

دۆناڵد ترەمپ، سەرۆکی ئەمریکا لەگەڵ تیمی ئاسایشی نیشتمانی ئەمریکا کۆبووەوە بۆ هەڵسەنگاندنی پێشهاتەکانی ئەم دواییە سەبارەت بە گرژییەکانی نێوان ئیسرائیل و ئێران.

لێدوانی فەرمی: کارۆلین لیڤیت، وتەبێژی کۆشکی سپی ڕوونیکردەوە کە ترەمپ لەگەڵ ئاسایشی نیشتمانی ئەمریکا لە 'سیچیوەشن ڕووم' کۆشکی سپی کۆبووەتەوە.

ئاماژەی بەوەشکردووە، کۆبوونەوەکە لە پشت دەرگا داخراوەکانەوە ئەنجامدراوە و ڕەنگە ترەمپ دوای کۆبوونەوەکە لێدوانی ڕۆژنامەوانی بدات.

ئەوەی پێویستە بیزانیت: کۆبوونەوەکەی ترەمپ بە بەشداری وەزیری دەرەوە و بەرگری ئەمریکا بووە و ماوەی یەک کاتژمێر و 20 خولەکی خایاندووە.

لەلایەکی دیکەوە: کەناڵی سی بی ئێسی ئەمریکی ئاشکرای کردووە، بژاردەی هێرشکردنە سەر پێگە ئەتۆمییەکانی ئێران لە نێوان ڕاوێژکارانی ترەمپ کۆدەنگی لەسەر نییە.