سەرۆكوەزیران بارزانی: زیانلێكەوتووانی لافاو قەرەبوو دەكەینەوە

ئاڤا نیوز

سەرۆكوەزیران بارزانی بەڵێن بە زیانلێکەوتووانی لافاوەکەی دوێنێی سنووری پارێزگای دهۆک دەدات قەرەبوویان بکەنەوە.

چیرۆکی سەرەکی: سەرۆکوەزیران مەسرور بارزانی لە پەیامی پیرۆزبایی جەژنی نەورۆز لە ئاکرێ، باسی زیانەکانی لافاوەکەی دوێنێی سنووری پارێزگای دهۆکی کرد، هاوخەمی بۆ قوربانییان دەربڕی و سەرەخۆشی لە خانەوادەکانیان کرد.

لێدوانی فەرمی: سەرۆکوەزیران بارزانی ئاماژەی بە زیانەکانی لافاوەکە کرد و گوتی: "زەرەر و زیان بە ماڵ و موڵکی گەلێك كەس کەوت، من حەز دەكەم پێیان بڵێم ئینشائەڵڵا خوا دەرفەت بدات قەرەبوویان دەكەینەوە، ئەوەی پێمان بكرێت دەیکەین بۆ ئەوەی ئەو زەحمەتی و ئازار و ناخۆشییەی پێیان گەیشتووە سووك بكەین".

باکگراوند: بەهۆی لافاوەکە سێ کەس گیانیان لە دەست دا و 11 کەس بریندار بوون. بەپێی ئامارە سەرەتاییەکان  زیاتر لە 160 ماڵ و 50 ئۆتۆمبێل و دەیان دوکان و شوێنی بارزگانی زیانیان بەرکەوتووە.