خەڵکی ڤینیسیا ئاهەنگی هاوسەرگیرییەکەی جێف بێزۆسیان تێکدا

ئاڤا نیوز

یەکێک لە دەوڵەمەندترین کەسەکانی جیهان پرۆسەی هاوسەرگیری پێکهێنا و ئاهەنگەکەی لە شاری ڤینیسیای ئیتاڵیا بە ئامادەبوونی دەیان کەسایەتی جیهانی ئەنجامدرا.

چیرۆکی سەرەکی: جێف بێزۆس، خاوەنی کۆمپانیای ئەمازۆن یەکێک لە دەوڵەمەندترین کەسەکانی جیهان پرۆسەی هاوسەرگیری پێکهێنا، ئاهەنگی هاوسەرگیرییەکەی برد بۆ شاری ڤینیسیا لە ئیتاڵیا، بەڵام خەڵک لێیان تێکدا، وتیان خەڵکێکی زۆری داوەت کردووە بۆ ئاهەنگەکەی، ئەم قەرەباڵغییەش ژینگەی شارەکە پیس دەکات.

زانیاریی زیاتر: ئاهەنگەی بیزۆس نزیکەی 55 ملیۆن دۆلاری تێچوو، ئاهەنگەکەش لەناو ئاو بوو، ڤینیسیا بەشێک لە کۆڵانەکانی ئاون و دەبێت بە بەلەم هاتووچۆی بکرێت، بۆیە ڕێگاکان بەشێکیان گیرابوون. لەبەر ئەو کەسایەتییە جیهانیانەی کە داوەت کرابوون.

کاردانەوەکان: بەهۆی گرتنی بەشێک لە ڕێگەکان و دروست بوونی قەرەباڵغی، خەڵکی ڤینیسیا توڕە بوون و  خۆپیشاندانیان کرد، وتیان ئەم قەرەباڵغیە ژینگەی شارەکە پیس دەکات، ناچار شوێنی ئاهەنگەکەیان پێ گۆڕی.