پێدانی کارەبای نیشتمانی لە سلێمانی ئاسایی دەبێتەوە

ئاڤا نیوز

شەوی ڕابردوو لە ئەنجامی هەڵکردنی ڕەشەبایەکی بەهێز ژمارەیەک داری گەورە شکانەوە و هاوکات ژمارەیەک گەڕەکیش تووشی پچڕانی کارەبای نیشتمانی بوونەوە. 

چیرۆکی سەرەکی: لە شەوی ڕابردووەوە ڕەشەبایەکی بەهێز سنووری سلێمانی و دەورووبەری گرتووەتەوە، بەهۆی ئەمەوە زیان بە تۆڕی کارەبای نیشتمانی گەیشتووە و چەند گەڕەکێک بۆ ماوەیەکی کاتی کارەبایان پچڕاوە و دواتر لەلایەن بەشی خزمەتگوزارییەوە گرفتەکە چارەسەر کراوە. 

لێدوانی فەرمی: غالب محەممەد، بەڕێوبەری کۆنترۆڵی کارەبای سلێمانی، ڕایگەیاند، گرفتی پچرانی کارەبا چارەسەر کراوە و ئەو فیدەرانەی بەهۆی ڕەشەباوە زیانیان بەرکەوتووە چارەسەر کراون.

زانیاریی زیاتر: بە گوێرەی داتایەک کە بەڕێوەبەرایەتیی كۆنترۆڵ و گەیاندنی كارەبای سلێمانی، بڵاویکردووەتەوە لەناو شاری سلێمانی 19 فیدەر و لە دەرەوەی شاریش شەش فیدەری کارەبا كێشەیان بۆ دروست بووە و دواتر چارەسەر کراون.