ئونروا: ئیسرائیل یەک ملیۆن منداڵ لە غەززە برسی دەکات

ئاڤا نیوز

دۆخی مرۆیی کەرتی غەززە خراپە، ڕێکخراوانی مرۆیی هۆشداریی دەدەن لەوەی دۆخەکە بەرەو خراپ بوون دەچێت و ئیسرائیلیش بەمەبەست هاووڵاتییانی کەرتی غەززە برسی دەکات.
 

وێنە گەورەکە: سەرەڕای تەواوی هەوڵەکان بۆ ڕاگرتنی شەڕی غەززە و بەردەوامبوونی دانوستانەکانی نێوان ئیسرائیل و بزووتنەوەی حەماس بەڵام تاوەکو ئێستا بۆردومانەکانی ئیسرائیل بۆ سەر کەرتەکە بەردەوامن.

 

ڕاگەیێنراوی فەرمی: ئاژانسی پەنابەرانی فەلەستینی سەر بە نەتەوەیەکگرتووەکان 'ئونروا' ڕایگەیاند، ئیسرائیل بە ئەنقەست هاووڵاتییانی مەدەنی لە کەرتی غەززە برسی دەکات، لەنێویاندا یەک ملیۆن منداڵ، کە زۆربەیان ڕووبەڕووی مەترسییە تووندەکانی بەدخۆراکی بوونەتەوە و مەترسی مردنیان لەسەرە.

زانیاریی زیاتر: ئاژانسەکە ڕوونیشیکردووەتەوە، خۆراکی پێویست بۆ خەڵکی کەرتی غەززە بۆ ماوەی زیاتر لە سێ مانگ لە کۆگاکانیان بەردەستن داواش دەکات،  گەمارۆی کەرتی غەززە هەڵبگیرێت و ڕێگە بە هاتنە ناوەوەی خۆراک و دەرمان بدرێت.