هەناردەی گازی ئازەربایجان بۆ سووریا دەستیپێکرد

ئاڤا نیوز

هاوردەکردنی گازی سرووشتی کۆماری ئازەربایجان بۆ سووریا لە ڕێگەی تورکیاوە و بە دابینکردنی دارایی لەلایەن قەتەرەوە، دەستیپێکرد.

چیرۆکی سەرەکی: حکومەتی سووریا دەیەوێت بە هاوردەکردنی گازی سرووشتی لە ئازەربایجانەوە کێشەی بەردەوامی کەمیی کارەبا لەو وڵاتە کەم بکاتەوە.

زانیاریی زیاتر: چاوەڕوان دەکرێت قەبارەی ساڵانەی هاوردەی گاز بگاتە دوو ملیار مەتری سێجا، ئەمەش زیاتر بۆ ئەوەیە کەمی کارەبای نیشتمانی لەو وڵاتە چارەسەر بکرێت، چونکە لە زۆربەی شوێنەکانی سووریا ڕۆژانە نزیکەی 20 کاتژمێر کارەبا دەبڕدرێت.

ڕەهەندی ستراتیژی: باشترکردنی دۆخی کارەبا و وزە کاریگەرییەکی ڕاستەوخۆی لەسەر زیادکردنی بەرهەمهێنان و کەمکردنەوەی گوشاری ئابووری هەیە.