کاڤین گرووپ 400 ملیۆن دینار دەداتە زیانلێکەوتووانی دهۆک

ئاڤا نیوز

لە چوارچێوەی هاوکاری و قەرەبووکردنەوەی زیانلێکەوتوانی لافاوەکەی دهۆک، کۆمپانیای کاڤین گرووپ بڕی 400 ملیۆن دینار وەک هاوکاری پێشکەش بە زیانلێکەوتووان کرد.

وێنە گەورەکە: ڕۆژی 19-03-2024 لافاو سنووری پارێزگای دهۆکی گرتەوە، بەهۆیەوە سێ هاونیشتمانی گیانیان لەدەست دا، زیاتر لە دوو هەزار خانوو و 200 ئۆتۆمبێل زیانیان بەرکەوتووە.

لێدوانی فەرمی: د. عەلی تەتەر، پارێزگاری دهۆک ڕایگەیاند: زکری بەشیر، خاوەنی کۆمپانیای کاڤین گرووپ لە دیوانی پارێزگا بە گوژمەی 400 ملیۆن دینار بەشداری لە هەڵمەتی کۆکردنەوەی هاوکاری بۆ زیانلێکەوتووانی لافاوەکەی دهۆک کرد.

زانیاریی زیاتر: بە گوتەی پارێزگاری دهۆک لە سنووری پارێزگاکە  ھەزار و 300 خێزان قەرەبوو کراونەتەوە.