ئەمشەو کەرنەڤاڵە گەورەکەی ئیسکانە؛ فاینەڵی ئاڤا فیفا لەگەڵ چێنەر و ئاوات بۆکانییە

ئاڤا نیوز

 

ئەمشەو گەورەترین پاڵەوانێتیی ئاڤا فیفا لە هەولێر کۆتایی دێت و خەڵاتەکەی 12 ملیۆنە. یاری کۆتایی و دیاریکردنی پلەکانی سێیەم و چوارەم دەکرێت.

 

چیرۆکی سەرەکی: سێشەممە پاڵەوانێتیی ئاڤا فیفا لە هەولێر دەستیپێکرد؛ لەکۆی 64 یاریزان تەنیا چوار یاریزان بۆ قۆناخی پێشکۆتایی سەرکەوتن و ئەمشەو پاڵەوانەکە دیاری دەکرێت.

 

چی ڕوودەدات؟ کاتژمێر 09:00 کەرنەڤاڵێکی گەورە لە شەقامی ئیسکان دەکرێت، لەمسەر بۆ ئەوسەری شەقامەکە پڕ دەبێت لە خەڵکی و ئەوەی نە کراوە نە بینراوە، ئاڤا پیشانیان دەدات؛ جگە لە چێنەر، ئاوات بۆکانیش ئامادە دەبێت و جەوەکەی گەرم دەکەن.

 

لێدوانی فەرمی: چێنەر عەبدولقادر، بەڕێوەبەری ئاڤا سپۆرت لەبارەی پاڵەوانێتییەکەوە بە ئاڤا نیوزی گوت: "هەر زۆر یەکەمین و ئەمشەویش دەیتەقێنینەوە؛ وەرنە ئیسکان، نەوعێک جەوەکەی گەرم دەکەین، پێشتر نەتان بینیبێت".

 

زانیاریی زیاتر: کۆی گشتی خەڵاتی ئاڤا فیفا 12 ملیۆن دینارە؛ هەر چوار یاریزانەکەی قۆناغی پێشکۆتایی بەپێی پلەکانیان وەریدەگرن.

 

ئەوەش بزانە: چێنەر و لایڤەکەی لە شەوی سێشەممەوە بوونەتە باسی گەرمی سۆشیاڵ میدیا و لە هەموو پلاتفۆرمەکانەوە سەیر دەکرێن؛ تەنانەت لە پلاتفۆرمی تیکتۆک، تەنیا لە کاتژمێرکدا زیاتر لە دوو ملیۆن لایک بۆ لایڤەکەی هات.