پلەی زیاتر لە 14 هەزار پلەدار و پێشمەرگە بەرزکرایەوە

ئاڤا نیوز

 

وەزارەتی پێشمەرگە ڕایگەیاند، زیاتر لە 14 هەزار  پلەدار و پێشمەرگەی سەر بە دیوان و لیواکانی پیادەی سەر بەوەزارەتی پێشمەرگە، پلەکانیان بەرزکرایەوە.

 

ڕاگەیێنراوی فەرمی: ڕاگەیاندنی وەزارەتی پێشمەرگە بڵاویکردەوە، بڕیاردرا بە بەرزکردنەوەی پلەی 14 هەزار و 747 پلەدار و پێشمەرگەی سەر بە دیوان و لیواکانی پیادەی سەر بەوەزارەتی پێشمەرگە، ئەم پلەبەرزکردنەوەیە گوزارشتە لە خشتەی نەورۆزی 2024ـی کارمەندان.

 

زانیاری زیاتر: پاڵپشت بە ماددەی چواردە لە سیستمی ژمارە (6)ی ساڵی 2011ی پەیڕەوی نیزامی ڕاژە و خانەنشینی پێشمەرگە تایبەت بە یاسای ژمارە (38)ی ساڵی 2007، ئاماژە بە فەرمانی وەزاری وەزارەتی پێشمەرگە، بەڕێوەبەرایەتی ئیدارەی گشتی ژمارە (6033) له 4-12-2011، تایبەت بەڕێنمایی پلەبەرزکردنەوەی کارمەندان بڕیارەکە دراوە.