عێراق هاوردەكردنی كاڵای لە ژاپۆن و بەڕازیلەوە زیاد كردووە

ئاڤا نیوز

بەپێی خشتەیەک، عێراق هاوردەکردنی کاڵای لە بەڕازیل و ژاپۆنەوە زیادکردووە، لە سعوودیە و ئەڵمانیاشەوە کەمیکردووە.

وێنە گەورەکە: بەپێی ئەو داتایانەی سەنتەری عێراقی ئایندە بڵاویکردووەتەوە، هاوردەکردن لە بەرازیلەوە بەڕێژەی 110% زیادیکردووە، هاوکات لە ژاپۆنەوە بەڕێژەی 48% و لە هیندستانەوە بەڕێژەی 41% زیادیکردووە، هاوکات لە سعودیەوە بە ڕێژەی 15% و لە ئەڵمانیاوە بەڕێژەی نزیکەی 13% کەمیکردووە.

لێدوانی فەرمی: مەنار عوبەیدی، سەرۆکی سەنتەری داتاکانی عێراق ڕایگەیاند: کۆی  گشتی هاوردەی فەرمی عێراق لە11 وڵات تەنیا لە ساڵی 2023 گەیشتە بەهای 67.25 ملیار دۆلار، لەگەڵ زیادبوون ڕێژەکە گەیشتە لە 6% بەراورد بە ساڵی 2022، بەو پێیەی بەهای هەناردەی ئەم وڵاتانە بۆ عێراق 63.5 ملیار دۆلار بووە.

زانیاریی زیاتر: "هەناردەی وڵاتان بۆ عێراق، بەبێ ئێران، 58 ملیار دۆلار بووە، کە بە بەراورد بە ساڵی 2022 بەڕێژەی 2.8% زیادیکردووە و 56 ملیار دۆلار بووە". مەنار عوبەیدی وای گوت.

ئەوەی پێویستە بیزانیت: هەناردەی وڵاتانی دیکە کە باس نەکراون بۆ عێراق سێ بۆ پێنج ملیار دۆلار دەبێت، کۆی هەناردەی وڵاتان بۆ عێراق لە ساڵی 2023دا بەهای 71 ملیار دۆلار بووە".