بۆ یەکەمجار لە ئەمریکا سزای مردن لەڕێگەی نایترۆجینەوە جێبەجێ دەکرێت

ئاڤا دیجیتاڵ

 

بۆ یەکەمجار لە مێژوودا، لە ئەمریکا سزای مردن لە رێگەی گازی نایترۆجینەوە بە سەر بەندکراوێکدا جێبەجێ دەکرێت. 

چیرۆکە سەرەکییەکە: بەندکراوە کە ناوی کێنس ئیوجین سمیسە، تەمەنی 58 ساڵە و بە کۆشتنی ژنێک بە ناوی ئەلیزابێس سێنێت، لە ساڵی 1988، تاوانبار کراوە، کۆنت لە بەندیخانەیەکی ئەلابامادا بوو   دوای ئەوەی داوای پێداچووەوە بە سزاکەیدا رەتکرایەوە،  سزاکەی، بە بەکارهێنانی گازی نایترۆجین جێبەجێكرا.

 

زانیاریی زیاتر: دادگای باڵای ئەمریکا و دادگای پێداچوونەوە داوای پارێزەرەکانی کێنسی رەتکردبوویەوە کە گوتبوویان مردن بە گازی نایترۆجین سزایەکی بێبەزەییانە و نائاساییە، دادگا رایگەیاندووە گازی نایترۆجینی خاڵی لە ئۆکسجین، کە لە رێگەی ماسکێکەوە دەگەیەندرێتە سزادراوەکە، دەبێتە هۆی مردنی خێرا و چاوەڕوان دەکرێت سزادراوەکە لە ماوەی چەند چرکەیەکدا بێهۆش بێت و لە ماوەی چەند خولەکێکیشدا بمرێت. 

 

بۆچوونی لایەنی بەرامبەر: دژەكانی ئەم جۆرە سزایە لەو باوەڕەدان کە گازی نایترۆجین دەبێتە هۆی ئازار و ناڕەحەتییەکی زۆر بۆ کەسە سزادراوەکە و هەروەها بۆ ئەوانەشی کە لە ژووری جێبەجێکردنی سزاکەدا ئامادە دەبن زیانی دەبێت.  

ئەوەی پێویستە بیزانیت: بڕیارەكە کاتژمێر شەشی ئێوارەی رۆژی پێنجشەممە، بە کاتی ئەلاباما جێبەجێكراوە، کێنس ئیوجین سمیس، دەبێتە یەکەم کەس لە ئەمریکا و تەواوی جیهان کە بە بەکارهێنانی گازی نایترۆجین سزای مردنی بە سەردا جێبەجێ بکرێت.