نرخی شوێنە گەشتیارییەکان ڕێک دەخرێتەوە

ئاڤا نیوز

 

هاووڵاتییان گلەیی لە نرخ و خزمەتگوزاریی شوێنە گەشتیارییەکان دەکەن کە بەراورد بە شوێنی ئاسایی زۆر بەرزترە؛ دەستەی گەشتوگوزاریش دەڵێت، میکانیزمی نوێ بۆ دیاریکردنی نرخ دادەنرێت.

 

لێدوانی فەرمی: ئیبراهیم عه‌بدولمه‌جید، گوتەبێژی دەستەی گەشتوگوزار دەڵێت، لە تەواوی جیهان نرخی خواردن و خزمەتگوزاریی ناوچە گەشتیارییەکان لە شوێنی ئاسایی بەرزترە، بەڵام "ئەمە ئەوە ناگەیێنێت ڕێخۆشکەر بین کەرتی تایبەت نرخەکان بەرز بکاتەوە، بەڵکو ڕێگر دەبین".

 

ئەوەی ئێستا ڕوودەدات: دەستەی گەشتوگوزار لەگەڵ بەڕێوەبەرایەتییەکانی ژووری چاودێریی بازرگانی لە شارەکان لیژنەیەکی هاوبەش پێک دێنێت. لیژنەکە میکانیزمی نوێ بۆ دیاریکردنی نرخ لە شوێنە گەشتییارییەکان دادەنێت بەشێوەیەک نرخەکان زیادەڕۆییان تێدا نەبێت و ڕێکاریی یاساییش دژی سەرپێچیکاران دەگیرێتەبەر.