بەهۆی هەورە برووسکەوە دوو پێشمەرگە برینداربوون

ئاڤا نیوز

بە هۆی هەورەبرووسکەوە، دوو پێشمەرگە لەكاتی ئەركدا لە سنووری قەزای شێخان برینداربوون.

زانیاریی بەدەستهاتوو: ئەفسەرێک لە هێزی بەتالیۆنی دوو لە لیوای چواری هێزەکانی زێرەڤانی بە ئاڤا نیوزی گوت: دوا نیوەڕۆی ئەمڕۆ هەورە برووسکە لە شاخی کۆخیی سنووری ناحیەی ئەتروشی سەر بە قەزای شێخان لە خاڵێکی پێشمەرگەی داوە، بە هۆیەوە دوو پێشمەرگە برینداربوون.

زانیاریی زیاتر:دوای ڕووداوەکە هەردوو پێشمەرگەکە بۆ نەخۆشخانەی فریاکەوتنی شێخان گواستراونەتەوە و دۆخی تەندروستییان جێگیرە.

گۆشەیەكی دیكە: لە لایەن بەشێک لە میدیا عێراقییەکانەوە ئەو دەنگۆیە بڵاوکرایەوە کە گوایە ئەو پێشمەرگانە لە ئەنجامی هێرشێکی چەکداریدا برینداربوون، بەڵام ئەفسەرەكەی لیوای چواری هێزەكانی زێرەڤانی هەواڵەكەی ڕەتكردەوە.