بەڕێوەبەری سەرچاوە ئاوییەكان: ئاوی ژێر زەوی لە هەرێمی كوردستان زیادیكردووە

ئاڤا نیوز

 

بەڕێوەبەری گشتی سەرچاوە ئاوییەکانی هەرێمی کوردستان ڕەتیدەکاتەوە بەهۆی شەپۆلی باران بارینەوە، هیچ مەترسییەک بۆ پۆندەکانی هەرێمی کوردستان دروست بووبێت، دەشڵێت ئەمساڵ مەترسی وشکەساڵی نەماوە.

لێدوانی فەرمی: د. کاروان سەباح هەورامی، بەڕێوبەری گشتی سەرچاوە ئاوییەکانی هەرێمی کوردستان بۆ ئاڤا نیوز گوتی: ئەم شەپۆلی باران و لافاوە هیچ مەترسییەکی بۆ پۆندەکانی هەرێمی کوردستان دروست نەکردووە، هەموو پۆندەکان سەرڕێژ بوون.

بابەتی ستراتیژی: ئەم شەپۆلی باران بارینە، کاریگەری لەسەر زیادبوونی ئاستی ئاوی ژێر زەوی بەشێوەیەکی سنووردار هەبووە ، ئەمساڵ مەترسی وشکەساڵی نییە، وەرزی هاوین بەراورد بە ساڵانی ڕابردوو باشترە.

زانیاریی زیاتر: پلان هەیە چەند پۆندێکی دیکەی ئاو دروست بکرێن.

باکگراوند: زیاتر لە 120 پۆند لەهەرێمی کوردستان هەن.

وێنە گەورەکە: چەند ڕۆژێکە شەپۆلێکی باران بارین هەرێمی کوردستانی گرتووەتەوە، بەهۆیەوە لە سلێمانی زیانی گیانی هەبووە و لە هەولێر ئاو چووەتە چەند ماڵێکەوە و لە دهۆکیش دوو پێشمەرگە بەهۆی هەورەبروسکەوە برینداربوون.