دەستبەسەر 600 کلیۆگرام گۆشتی هیندی و جگەری ئێرانی قەدەغەکراو گیرا

ئاڤا نیوز

 

گۆشتفرۆشەکە ویستوویەتی 24 کارتۆن گۆشتی هیندی و 120 کارتۆن جگەری ئێرانی قەدەغەکراو لە بازاڕدا ساغ بکاتەوە.

 

لێدوانی فەرمی: "لە کۆگایەکی شاراوەدا لە بازاڕی سەیداوەی هەولێر، دەستگیرا بەسەر 600 کلیۆگرام گۆشتی هیندی و جگەری ئێرانی قەدەغەکراودا، کۆگایەکە هیچ مەرجێکی تەندروستی تێدانەبوو، بەمەبەستی لێکۆڵینەوە گۆشتفرۆشەکە لە بەڕێوەبەرایەتی ئاسایشی هەولێر ڕاگیراوە." هێمن عەدنان، پزیشکی ڤێرتەرنەری لە لیژنەکانی قایمقامیەتی هەولێر ئەمەی بە ئاڤا نیوز گوت.

 

ئەمەش بزانە: لیژنە هاوبەشەکانی قائیمقامیەتی قەزای ناوەندیی هەولێر لە ماوەی چوار مانگی ئەمساڵدا دەستیان گرتووە بەسەر زیاتر لە سێ هەزار کیلۆگرام گۆشت و جگەری قەدەغەکراو.