لیژنەیەکی بەغدا بۆ چارەسەری کێشەی جووتیاران سەردانی کەرکووک دەکات

ئاڤا نیوز

 

لیژنەیەکی ئەنجوومەنی وەزیرانی عێراق بۆ چارەسەری کێشەی جووتیاران سەردانی کەرکووک دەکات، پێش ئەوەی دەست بە وەرگرتنی گەنمی جووتیارانی سنووری پارێزگاکە بکرێت.

 

چیرۆکە سەرەکییەکە: دوو ڕۆژە عەرەبی هاوردە لەسەر زەوی جووتیارانی کەرکووک خێمەیان هەڵداوە، داوادەکەن سوپای عێراق بەردەوام بێت لە ڕێگری کردن لە دروێنەی جووتیارانی سنوورەکە، بەو هۆیەش جووتیارانی کورد گردبوونەتەوە.

 

لێدوانی فەرمی: محەممەد ئیسماعیل، نوێنەری جووتیارانی سەرگەڕان بە ئاڤا نیوزی گوت: "لەلایەن سەرۆکوەزیرانی عێراق لیژنەیەک ڕاسپێردراوە و ئەمڕۆ سەردانی کەرکووک دەکەن، بە ئامانجی چارەسەری کێشەی دروێنەی جووتیارانی سنوورەکە."

 

ئەوەی پێویستە بیزانیت: لەدوای 16ـی ئۆکتۆبەر لە هەر پێنج گوندی شەناغە، پەلکانە، سەربەشاخ، گابەرەکە و خەرابە سوپای عێراق دەچێتە سەر زەوییەکانی جووتیاران و ڕێگریان لێدەکەن، بەو هۆیەوە زیان بەر نزیکەی 600 جووتیار دەکەوێت.