توونێلێکی داعش لە تەلەعفەر ئاشکرا دەکرێت

ئاڤا نیوز

 

هێزە ئەمنییەکانی عێراق توونێلێکی 200 مەتری لە تەلەعفەر ئاشکرا دەکەن، کە چەکدارانی داعش لێیەوە هێرشیان کردووەتە سەر هێزە عێراقییەکان.

 

بۆچی گرنگە: ماوەی چەند ڕۆژێکە جموجۆڵەکانی داعش لە ناوچە جیاجیاکانی عێراق زیادیکردووە، لەو ماوەیەش هێرشیان کردووەتە سەر خاڵە ئەمنییەکانی سوپای عێراق.

 

ڕاگەیێنراوی فەرمی: شانەی ڕاگەیاندنی ئەمنیی عێراق ڕایگەیاند: "بەڕێوەبەرایەتی هەواڵگری سەربازی دەستیان بەسەر توونێلێک دا گرت کە درێژییەکەی 200 مەتر دەبێت."

 

زانیاریی زیاتر: چەکدارانی داعش ئەو توونێلەیان وەک بارەگایەکی سەرەکی بەکارهێناوە بۆ هێرشە تیرۆریستییەکانیان لە دەوروبەری گوندی کەسەر میحراب سەر بە قەزای تەلەعفەر لە پارێزگای نەینەوا.

 

لە لایەکی دیکەوە: هەر ئەمڕۆ لە دوو ئۆپەراسیۆنی جیا لە پارێزگای نەینەوا، توانرا تۆڕێکی سەر بە ڕێکخراوی داعش لە شاری مووسڵ هەڵوەشێنرێتەوە و ئەندامەکانی کە چوار کەس بوونە دەستگیر بکەن.