عێراق لەبارەی ڕێگەی گەشەپێدان گفتوگۆ لەگەڵ هەرێمی کوردستان دەکات

ئاڤا نیوز 

بەمەبەستی گفتوگۆ کردن لەسەر پرسی ڕێگەی گەشەپێدانی نێوان تورکیا و عێراق، بەم نزیکانە شاندێکی حکومەتی عێراق سەردانی هەرێمی کوردستان دەکات.

وێنە گەورەکە: ڕێگەی گه‌شه‌پێدان پڕۆژه‌ی هێڵێكی شه‌مه‌نده‌فه‌ره‌ بە نێو خاکی عێراقدا تێدەپەڕێت، توركیا به‌ كه‌نداوی عه‌ره‌بییه‌وه‌ ده‌به‌ستێته‌وه ‌و كه‌نداوی عه‌ره‌بیش به‌ وڵاتانی ئه‌وروپاوه.

ڕاگەیێنراوی فەرمی: یونس کەعبی، بەڕێوەبەری هێڵی ئاسنینی عێراقی ڕایگەیاند: "لە هەموو ئەو پارێزگانەی ڕێگەی گەشەپێدانی پێدا دەڕوات شوێنی ڕێڕەوی هێڵی ئاسنین دیاریکراوە، جگە پارێزگای دهۆک کە لەم پێناوەشدا شاندێکی هونەری لەگەڵ کۆمپانیایەکی ئیتاڵی سەردانی هەرێمی کوردستان دەکەین".

زانیاریی زیاتر: "هەریەک لە وڵاتی تورکیا، عێراق، قەتەر و ئیمارات یادداشتی لێکتێگەیشتنیان بۆ هاوکاری لەبارەی پڕۆژەی ڕێگەی گەشەپێدان واژۆ کردووە و دوای زیاتر لە مانگێکی دیکە کۆدەبنەوە". یونس كەعبی وای گوت.