ئەنجوومەنی وەزیران بەدواداچوون بۆ پشکی هەرێمی کوردستان لە خشتەی بودجە دەکات

ئاڤا نیوز

پشکی هەرێمی کوردستان لە خشتەی بودجەی 2024 زیاتر لە 20 ترلیۆن دینارە، لە ئەنجوومەنی وەزیران هەڵوەستە لەسەر وردەکارییەکەی دەکرێت.

 

وێنە گەورەکە: قەبارەی بودجەی ئەمساڵ نزیکەی 210 ترلیۆن دینارە و  12 ترلیۆن دینار لە بودجەی پارساڵ گەورەترە، پشکی هەرێمی کوردستان لە چەند خەرجییەک زیادی کردووە.

 

بۆچی گرنگە: بەر لە پەسەندکردنی خشتەی بودجە، ئەنجوومەنی وەزیران دەیەوێ چارەسەری کەموکوڕییەکانی ئەو پشکە بکات کە بۆ هەرێمی کوردستان دیاری کراوە.

 

ژمارەکان وادەڵێن: بەپێی خشتەی بودجە، كۆی گشتیی خەرجی هەرێمی كوردستان لە بودجەی گشتیی عێراق 20 ترلیۆن و 910 ملیار و 463 ملیۆن و 950 هەزار دینارە، پشکی خەرجی بەکاربردن 14 تریلیۆن و 840 ملیار و 223 ملیۆن و 778 دینارە، خەرجی وەبەرهێنان چوار تریلیۆن و 954 ملیار و 240 ملیۆن و 172 هەزار دینار دەبێت.