پەرلەمان ڕۆژی دووشەممەی بۆ دەنگدان بە خشتەکانی بودجە دیاریکرد

ئاڤا نیوز  

دوای ئەوەی لیژنەی دارایی تاوتوێ و شیكردنەوەی خشتەكانی بودجەی گشتی ساڵی 2024ی تەواو كرد، پەرلەمانی عێراق ڕۆژی دووشەممەی دیاریکرد بۆ دەنگدان لەسەری.

وێنە گەورەکە: پێنجشەممە 30-05-2024، لیژنەی دارایی پەرلەمانی عێراق تەواوبوونی خوێندنەوەی و شیکاری خشتەکانی بودجەی ساڵی 2024ی ڕاگەیاند.

نووسراوی فەرمی: پەپێی ئەو کارنامەیەی کە کۆپییەکی دەست ئاڤا نیوز کەوتووە، بڕیارە ڕۆژی دووشەممە 3-6-2024 لە کاتژمێر سێ دوای نیوەڕۆ ئەنجوومەنی نوێنەران دانیشتنی خۆی بکات و دانیشتنەکەش یەک بڕگە لەخۆ دەگرێت، ئەویش دەنگدانە لەسەر خشتەكانی بودجەی گشتی ساڵی 2024.

ئەوەی پێویستە بیزانیت: کۆی گشتیی بودجەی ساڵی 2024ـی عێراق ، 211 ترلیۆن دینارە و زیاتر لە 66.6 ترلیۆن دینار کورتهێنانی هەیە.

 

بۆچی گرنگە: پشکی هەرێمی کوردستان لە خشتەی بودجە دیاریکراوە، بە پەسندکردنی ئەو خشتەیە هەرێمی کوردستان جگە لە مووچە پشکی دیکەی وەک خەرجیی وەبەرهێنان و بەکاربردن، تێچووی بەرهەمهێنانی نەوت و بیمەی کۆمەڵایەتی بۆ دەنێردرێت.

 

وێنەی کارنامەکە