شاندی حکومەتی هەرێمی کوردستان و کۆمپانیا نەوتییەکان لە بەغدان

ئاڤا نیوز

 

شاندی حکومەتی هەرێمی کوردستان و کۆمپانیا نەوتییەکان، لەسەر بانگهێشتی وەزارەتی نەوتی عێراق بە سەردانێکی فەرمی لە بەغدان، پرسی سەرەکیش هەناردەکردنەوەی نەوتی هەرێمی کوردستانە.

 

وێنە گەورەکە: 15 مانگە هەناردەی نەوتی هەرێمی کوردستان، لەڕێگەی بەندەری جەیهانی تورکیا وەستاوە، بەو هۆیەوە 16 ملیار دۆلار زیانی لە ئابووریی عێراق داوە.

لێدوانی فەرمی: ئومێد سەباح، سەرۆکی دیوانی ئەنجوومەنی وەزیرانی هەرێمی کوردستان ڕایگەیاند: ئامانج لە سەردانی شاندی حکومەتی هەرێمی کوردستان و کۆمپانیا نەوتییەکان بۆ بەغدا بەیەکەوە و کۆبوونەوەیان لەگەڵ وەزارەتی نەوتی عێراق، بۆ زیاتر درێژەدانە بە گفتۆگۆکان لە نێوان هەردوو حکومەت و دانانی میکانیزمی چارەسەر بۆ دەستپێکردنەوەی پرۆسەی هەناردەکردنەوەی نەوتی هەرێمی کوردستان.

ئەوەی پێویستە بیزانیت: ڕۆژی چوارشەممە 05-06-2024، شاندی دانوستانکاری حکومەتی هەرێمی کوردستان لەگەڵ کۆمپانیاکانی گواستنەوە و بەرهەمهێنانی نەوت و گاز کۆبوونەوە، جەخت لە چارەسەری ڕیشەیی کێشەکان و خواستی حکومەت بۆ هەرچی زوو دەستپێکردنەوەی هەناردەکردنی نەوت کرایەوە.