گازینۆكانی به‌سڕه‌ "دەبنە ناوەندێک بۆ قاچاخی ماددەی هۆشبەر"

ئاڤا نیوز

بەرپرسێکی پارێزگای بەسرە ڕایدەگەیێنێت، هه‌ندێك له‌ گازینۆكانی به‌سڕه‌ بوونه‌ته‌ ناوەندی بازرگانیكردن به‌ ماددەی هۆشبەر، هێزە ئەمنییەکانی پارێزگاكه‌ش هەڵمەتێکی فراوانیان دەستپێکردووه‌ بۆ دەستگیرکردنی تێوەگلاوان.

لێدوانی فەرمی: عەقیل فەریجی، سەرۆکی لیژنەی ئەمنی لە ئەنجوومەنی پارێزگای بەسرە ڕایگەیاند: دوای بەدەستهێنانی زانیاری هەواڵگری له‌ تێوه‌گلانی چه‌ند ‌گازینۆیه‌ك له‌ گەڕەکەکانی قیبلە و موهەندیسین و خەلیجو مەعقەل، ده‌ست به‌ هەڵمەتێکی فراوان کرا بۆ  ده‌ستگیركردنی تۆمەتباران.

زانیاریی زیاتر: بەگوتەی عەقیل فەریجی "له‌ زۆربه‌ی چێشتخانە و هۆتێلەکانی به‌سڕه‌ مامەڵەی بازرگانی به‌ مادده‌ی هوشبه‌ره‌وه‌ ده‌كرێت بۆیه‌ هه‌ڵمه‌ته‌كه‌ ئه‌وانیش ده‌گریێته‌وه‌".

ئەوەی پێویستە بیزانیت: ماددە هۆشبەرەکان ڕۆژ لە دوای ڕۆژ زیاتر لە عێراق بڵاودەبنەوە و بەهۆی هەڵکەوتەی جوگرافیشەوە بەسرا بووەتە چەقی بارزگانییەکە، لە دوو دەیەی ڕابردوودا، هێزە ئەمنییەکانی عێراق زیاتر له‌ 15 هەزار ئۆپەراسیۆنیان بۆ ده‌ستگیركردنی بازرگانان و ئاڵوودەبووانی مادده‌ی هۆشبه‌ر کردوون.