نرخی نەوتی خاوی برێنت دابەزی

ئاڤا نیوز 
 
نرخی نەوت لە سەرەتای مامەڵەکانی ئاسیادا دابەزینی بەخۆیەوە بینی و نرخی یەک بەرمیل نەوتی خاوی برێنت بۆ خوار 85 دۆلار دابەزیوە و لە بەرامبەردا نرخی نەوتی خاوی بەسرە نزیکەی 50 سەنت بەرزبووەوە.

 

وێنە گەورەکە: بەهۆی ئەو ئاڵنگارییانەی ئێستا لە جیهان ڕوو دەدات و شەری ئۆکراینا و غەزەش بەردەوامی هەیە، نرخی نەوت بەردەوام گۆڕانکاری بەسەردا دێت. 

 

ئەوەی ئێستا ڕوودەدات:  نرخی نەوتی خاوی برێنت 40 سەنت کە دەکاتە 0.5% دابەزیوە و گەیشتە 84 دۆلار و 84 سەنت بۆ هەر بەرمیلێک.

 

زانیاریی زیاتر: هەر بەرمیلێک نەوتی خاوی تەکساس 39 سەنت دابەزی کە دەکاتە 0.5% و نرخەکەی گەیشتە 80 دۆلار و 34 سەنت.

 

لەلایەکی دیکە: سەرەڕای دابەزینی نرخی نەوتی لە جیهان، نرخی نەوتی خاوی قورس و مامناوەندی بەسرە 49 سەنت بەرزبووەوەتەوە و گەیشتە 82 دۆلار و 71 سەنت، هەروەها نرخی نەوتی خاوی بەسرە مامناوەند 49 سەنتی هاتووەتە سەر و گەیشتە 85 دۆلار و 56 سەنت.

 

هۆکارە زانراوەکان: شەڕ و ناکۆکییەکان و بەرزبوونەوەی بەهای دۆلار کاریگەریی لەسەر ئەو بەرهەمانە دەبێت کە بە دۆلار مامەڵەیان پێوە دەکرێت و بەهۆیەوە خواست لەسەریان کەم دەبێتەوە.