ئاڤا نیوز وادەی دابەشکردنی مووچەی مامۆستایانی وانەبێژ ئاشکرا دەکات

ئاڤا نیوز

 

نوێنەری گشتیی مامۆستایانی وانەبێژ ڕایدەگەیێنێت، لەم هەفتەیەدا دابەشکردنی مووچەی مانگی چواری مامۆستایانی وانەبێژ لە هەرێمی کوردستان دەستپێدەکات.

 

وێنە گەورەکە: ژمارەی مامۆستایانی وانەبێژ لە هەرێمی کوردستان زیاتر لە 37 هەزار مامۆستایە، تێچووی مووچەی مانگانەیان نزیکەی 15 ملیار دینارە.

 

لێدوانی فەرمی: شاخەوان عەبدوڵڵا، نوێنەری گشتیی مامۆستایانی وانەبێژ بە ئاڤا نیوزی گوت:   ڕۆژانی سێشەممە و چوارشەممەی ئەم هەفتەیە دەست بە دابەشکردنی مووچەی مانگی نیسانی ئەمساڵی وانەبێژان دەکرێت".

 

ئەوەی پێویستە بیزانیت: مووچەی مامۆستایانی وانەبێژ بەپێی  بڕوانامەیان دەگۆڕێت، بەمشێوەیە؛ هەڵگری دیبلۆم لەنێوان 250 - 350 هەزار دینار و هەڵگرانی بڕوانامەی بەکالۆریۆسیش 250 - 400 هەزار دیناریان بۆ خەرج دەکرێت.