عێراق وێستگەکانی پێدانی گاز بە ئۆتۆمبێل زیاد دەکات

ئاڤا نیوز 

حکومەتی عێراق وێستگەکانی گازی ئۆتۆمبێل زیاتر دەکات و جەختیش لەسەر کەمتر بەکارهێنانی بەنزین و نەوت دەکاتەوە.

وێنە گەورەکە: وەزارەتی نەوتی عێراق هەوڵ دەدات بەشێوەیەکی بەرفراوانتر ئۆتۆمبێل و بارهەڵگرەکان گاز لەبری بەنزین و نەوت بەکاربهێنن، لەم پێناوەشدا پرۆژە و وێستگەکانی گاز زیاتر دەکات.

ڕاگەیێنراوی فەرمی: حەییان عەبدولغەنی، وەزیری نەوتی عێراق ڕایگەیاند: "وێستگە و سەنتەرەکانی سیستمی گاز بۆ ئۆتۆمبێلەکان لە بەغدا و پارێزگاکان زیاد دەکەین".

زانیاریی زیاتر: حەییان عەبدولغەنی جەختیشی لەسەر زیاتر بەکارهێنانی گازی شل بۆ ئۆتۆمبێل و بارهەڵگرەکان کردەوە لەبری بەکارهێنانی بەنزین.

بۆچی گرنگە: بەکارهێنانی گاز نرخی کەمترە لە بەنزین و کەمتر ژینگە پیس دەکات.